lunes, 8 de abril de 2013

Sonetu IV. Llamamientu de cuquiellu.

Los güeyos de los tuyos tan sabíos,
el to rebañu nun bardial d’un puertu 
l’agua’l ríu turbio, l’aguañal muertu,
atrás queden diezmaos y vencíos.
La nueche de llenzos estremecíos
por estrelles, nun mapa del desiertu,
un mar pel medio y un futuru inciertu,
traza llaberintos indefiníos.
¿Qué se siente ensin salida, ensin sienda,
ensin llar nin dirección señalada,
ensin sur, ensin norte que t’entienda?
La vida xabazmente acorralada,
na medrana medra y fai que s’enciendatola esperanza del que nun tien nada.

(Miguel Allende)

No hay comentarios:

Publicar un comentario