Al rellumiu de la llámpara, mientres lleo,acuden, al avance, un exércitu d'insectos:
formigues analones, batallones de mosques,
escuadres diminutes de mosquitos
y ente'l ruxir constante y la batalla
una pequeña mariposa blanca
imprudente y extraña, como un platu
de lleche en mitá de la nueche, dibuxa
nel aire, alredor míu, círculos concéntricos.
Yo, col llibru abiertu ente les manes,
soi agora'l so nuevu planeta y ellos
los mios astros diminutos,
constelaciones n'incesante movimientu.
Por supuesto nun saben de Virxilio
nin los clásicos y lo mesmo-yos da
esnalar perriba'l meyor Shekespeare
que sobre'l peor de los poetes.
(Berta Piñán)
No hay comentarios:
Publicar un comentario